हाम्रो परिचय

“एकको लागि प्रत्येक, प्रत्येकको लागि एक” भन्ने सहकार्यको मूल मर्मलाई आत्मसाथ गर्दै स्थानीय तहमा छरिएर रहेको पुंजीलाई बचत कार्यक्रमको माध्यमबाट एकत्रित गर्ने र सदस्यलाइ आफ्नो जीवनयापन एवम् जीवनस्तर उठाउन गरिने कृषि, उद्दयोग, व्यापार लगायत सामाजिक क्रियाकलापमा पुंजी परिचालन गर्ने मुलभूत अवधारणा राखी स्थापित साकोस हो । स्थानीय १७ जना युवाहरुले मिति २०६२ जेष्ठ ७ गते भेला भइ समूदायमा सहकार्य सहित वित्तीय क्रियाकलाप गर्दै अगाडी बढ्न सहकारी नै उत्तम बाटो हो भन्ने निष्कर्ष निकाल्दै शुरुमा ३५ जना सेयर सदस्य संग्लग्न भइ मिति २०६२ श्रावण १ गतेबाट आर्थिक कारोबार आरम्भ गरेको हो । भगवान बुद्धको पबित्रस्थल लुम्बिनी देखि २६ कि.मि.पुर्व उत्तरमा पर्ने सिद्धार्थ राजमार्ग संगै जोडिएको पडसरी गा.वि.स.को केन्द्रमा पर्ने स्थानमा आफ्नै भवनमा संस्थाको कार्यालय राखी संचालित रहेको छ ।

यो साकोसको कार्यालय रहेको पडसरी गा.वि.स.को दक्षिणमा सिद्धार्थनगर नगरपालिका, उत्तरमा तिलोत्तमा नगरपालिका, पूर्वमा हाटी फर्साटिकर गा.वि.स. र पश्चिममा चिल्हिया गा.वि.स. पर्दछ । सबै राजनैतिक बिचार, जातजाति, भाषा, धर्म, सस्कृति, पेशा र जीवनस्तर भएका महिला पुरुषहरुको आस्थाको केन्द्र रहेको सहकारी हो । यो नेपाल सरकारको निकायमा मिति २०६३|०१|१८ गते विधिवत दर्ता भएको साकोस हो । यस साकोसको कार्यक्षेत्र हाल पडसरी गा.वि.स. संग जोडिएको द्वय हाटी फर्साटिकर गा.वि.स. र चिल्हिया गा.वि.स.गरि ३ वटा गा.वि.स. रहेको छ । यो साकोस बचत तथा ऋण सहकारी संघ रुपन्देही, जिल्ला सहकारी संघ रुपन्देही र नेपाल बचत तथा ऋण केन्द्रिय सहकारी संघ (नेफ्स्कुन)मा आवद्ध रहेको छ।

Rupandehi Dist copy